激光矯視手術當天


相信很多還未做激光矯視手術 (LASIK) 的人都好似我一樣為著做定唔做激光矯視手術而十五十六,上網google有關激光矯視手術的分享,當中有贊有彈,看過這些網上討論區上的一兩句評語都總敎人感到不安和擔心,就讓我用文字記下我的親身經驗,希望可以幫到你得到一點方向。

從來沒有進過手術室的我,好不容易等到進行激光矯視手術這天,之前一晚也因為太緊張而睡不好。

吃過午飯後,到達養和醫院 (Hong Kong Sanatorium & Hospital),跟檢查時一樣,按電梯到五樓,登記,然後付款,某些信用咭可以做分期,HKD22,000(不指定醫生)不算多也不算少,有免息分期當然要好好運用,就當不用一次過會出兩萬多元,我不太記得所有可以做分期的信用咭,但匯豐信用咭可以做六個月或十二個月分期,渣打信用咭在養和卻沒有分期服務。

幫我做手術的是吳彤醫生 (Joan Wu),是個女醫生,聽seminar的是許少萍醫生。在養和醫院,有兩種packages,一是指定醫生,二是非指定醫生,一般人都會揀非指定醫生,因為要指定醫生的話,都是想揀有名醫生,而有名的當然跟收費成正比,越有名就越貴。如揀非指定醫生,會在接受檢查那天依那天當值的醫生分配醫生,當時分配給我的是吳彤醫生,所以也是她為我進行手術。

登記過後,職員就帶我到手術區門外等手術室護士帶我入去。入到手術區先核實身份,量血壓及養份,再簽同意書,護士會續點解譯,讓你明白手術有機會遇到的風險,明白就簽字,也可以要求先跟醫生會面,後再簽署,坦白說,就是這份同意書上的内容再加上手術前的不安就足夠把你嚇得半死。

簽好同意書,護士會先給你一粒黃色止痛葯,四小時後要再食多粒(即是手術後,回到家自行再食多一粒),食過止痛葯,護士便帶我入去等候區等,每個人都會給分配一個有梳化有茶機的私人空間,護士會幫你穿上手術袍(不用除衣服,只在自己衣服上加上手術袍),戴上手術帽,除下鞋子,不用除socks,會提供拖鞋,把私人物件鎖在茶機內,戴上身份手帶。之後護士會好耐心解譯手術過程/感覺,手術期間要配合醫生的指示,以及手術後要注意和要避免做的(包括不可讓水入眼),這時所有人都會問,不可讓水入眼,那怎樣洗面和洗頭?對,是不能用水洗面,只能抹面。在私人空間等候期,可以單耳聽自行帶來的ipod,就算手術期間,都可以帶埋ipod單耳聽歌,放鬆心情(所以要記著帶ipod/mp3機,還要準備好能讓你放鬆心情的音樂),之後護士會開始為你滴麻醉葯水入眼,我也不太記得滴了多少次,只記得躺上手術床時要滴多次。要準備進入手術室了,手術室護士前來私人區核實病人身份,包括手上的手帶,同時要你讀出自己的名字,以保證你仍是清醒。

進入手術室前,護士叫我可以留下眼鏡在私人間,原來從那一刻開始,我便真的放下眼鏡,不用再戴眼鏡了。護士拖著我的手進入手術室,那時醫生和幾個護士已在裹邊,依指示訓上手術床,那時我已驚到震,我的心跳越來越快,也跳得越來越大聲,連自己的耳朵也能聽得見,那時我真想打退當鼓,想大聲說我不用手術了,當然去到那一刻已經返唔到轉頭,只能跟著指示一步步做,護士要我大聲講出自己的名字和出生日期核對身份以及證實你仍清醒,手術便開始。如果訓在手術床上的身和頭的位置不好,醫生會好粗魯地把你移正,所以不用擔心位置不正確,加上那張床就好似salon洗頭的床凸的,同時手術期間,醫生會按著我的頭,想動也動不得。醫生開始做intralase,先做左眼,然後是右眼,感覺是醫生把一樣野放入眼,張開這隻眼,醫生會叫你集中望著燈的中間,感覺眼給東西壓著,維持一分鐘,然後什麼也看不見,醫生叫我合埋眼,然後打開雙眼,再在右眼做相同的。接著醫生說,要開始打laser入眼,望著紅點,慢慢化開,同時聞到燒著的火柴味,好快便做完左眼,完全唔痛,但感覺到醫生在眼上抹下抹下似的,在眼四周抹過消毒過後,便戴上眼罩,再做右眼,成個手術都好快,感覺是十分鐘至二十分鐘左右的事,醫生的對白也不多,最深深記得的那句是手術完成後,醫生說今次手術很成功,就好似電視劇內的對白一樣。離開手術床,護士拖著我返回私人間(感覺好似去salon洗完頭後返回自己座位),當時望到的景物都好矇好矇,還有一片紅光影,就好似眼睛曾經望著強光後的感覺,回到私人間,合上眼,休息一會,好快這個光影便消失。護士再為我量血壓,以確保我手術後仍活著。護士為我除下手術袍,蓋上被,坐坐坐坐,都記不起坐了多久,只知道手術完成後整個心情也終於可以放鬆下來,護士會不時過來查看我的情況,之後護士帶我去另一個等候區,為我除下眼罩4,再滴眼葯水,等候見醫生。入到醫生房見醫生,醫生透過議器望入我的雙眼,同樣醫生的對白不多,只記得她說過雙眼的傷口埋得好好,同埋跟護士說要我坐多十五分鐘。回到私人間,合上雙眼,坐坐坐,護士批準我著回自己的鞋子,然後再坐坐坐,直至四點多,護士確保我有人接走,便批準我離開,這時既我已經能看到景物,可以自己行走,而且已不用戴眼鏡,只是要戴著咸蛋超人般的透明眼罩。一直都沒有不適,直至出到醫院門外,一見陽光,眼水便流過不停,戴上眼罩後又無法再顛上太陽眼鏡,都幾辛苦。

作者的其他網站:

About these ads

84 responses to “激光矯視手術當天

  • Pmac

    請問你事前有冇去聽佢地搞的講座啊?

    想問下佢地有冇提到咩人唔啱做呢?
    我本身近視淺, 200幾300度左右
    但係眼球弧度好平, 戴唔到con, 唔知佢有冇提過呢D case?

    • toastiesmonster

      聽講座係必須在手術聽,一定要聽才會俾你做手術,如果無聽到,手術前檢眼當日就會給安排睇片了解這個手術。聽講座係一班人一齊聽,可以問醫生問題,又可以聽下其他人問既問題,可能會聽到人地諗到自己諗唔到既問題;睇片自己係在醫院透明玻璃房裹睇,當然你都可以之後再問醫生問題,不過個人認為聽講座好過自己睇片,咁你可以去醫院感受一下環景,有多一點心理準備,咁會無咁擔心。

      岩唔岩做就要問醫生,但實際情況醫生都要你做過手術檢查至答到你。

  • 皓明

    Thank you very much for your info, including your follow-up experience. I will have the LASIK done with the same doctor next week. Hope it will be as successful as yours.

  • yu

    你好! 我都係抽中吳彤醫生, 下個月做 lasik. 如你所講, 醫生說話唔多, 我當時又有好多問題唔記得問…而家諗返就好擔心. 想問下佢手勢好唔好架? 你而家又點呀? 夜晚瞳孔放大左, 仲睇野清唔清楚?

    • 火星女孩

      雖然醫生說話不多,但係其實醫生幾好,佢係實幹型,好有經驗。到目前為止,已經差不多三個月,而我的工作需長時間對住電腦,每天超過十五個小時,依家既視力仍然好好,所以你也不用太擔心,既然決定左做呢個手術,就不用想太多,相信醫生,依照醫生護士的指示便無問題,手術後頭一個星期俾雙眼多點休息,其實手術後第二天已可如常活動,出街食飯飲茶都無問題。晚上也沒有問題,當然全黑的環境就無咁好,但是係正常的視力。

  • yu

    好多謝你呀!!! 我希望可以同你一樣, 手術咁成功!!! 真的不能有任何閃失!!!

  • Monica

    你好!我下星期四做,抽中張叔銘醫生,而家有d 擔心呀!

    • 火星女孩

      張叔銘係幾出名的醫生,其實養和既醫生水平都有翻咁上下,唔駛擔心,相信你既醫生,聽從醫生護士的指示就唔會有問題,記得放可以令你放鬆心情的音樂入ipod/mp3 player,然後帶埋入去手術室呀!手術後俾雙眼多點休息,放心,無事既!

  • yu

    monica, 你就好啦! 抽中張叔銘! 手術一定成功!!! 可以既話, 休息後, 分享一下你既經驗丫? wish you all the best!!!

  • Monica

    琴日做完,今朝已好清,好成功!5/10先返去覆check下

  • Monica

    Pmac:我眼球弧度都好平架
    Yu:我有fd今年4月由Dr.Joan Wu做,都成功,我fd好满意,话是高清眼wo,跟住去左考police,pass左啦!

  • Monica

    我夜晚好怕光呀,是好清,但要戴太阳眼镜。

  • yu

    太好啦!!! monica, 我真心替你開心. 高清眼這個形容詞實在太攪笑了! 算一算, 我斬仲有19日就做 到時會向大家滙報….

  • Monica

    是呀,今晚好d啦,少左怕光。其实好快就做完,我第一part都唔知使唔使廿秒,快到呢……我一路行一路问姑娘,….是咪完左part one(其实都知知地,因为看不清)。我part 1同2起两间唔同room 分开到做,我fd 就话 一间room做完(我估是我地唔同機做)

  • yu

    oh, 有分 part 1 和 part 2 嗎??? 我以為所有都是在同一間房做
    …我網上見有人說張叔銘有一部私家儀器,比較先進, 是真的嗎?

  • yu

    嗯, 都有道理. 應該唔止得一部儀器.

  • Babypooh

    想問吓手術之後,幾耐先可以洗面?
    sis你有冇化妝習慣?咁幾耐先可以化眼妝?
    運動呢?幾耐先可以再運動???

    • 火星女孩

      頭一個星期都完全唔可以俾水入眼,所以唔可以洗面,所以我買左Biore落妝wet tissue,再用熱水弄濕毛巾抹面,直至一星期後返醫院覆診,醫生話傷口埋得好好晚上睡覺唔駛再戴眼罩為止,便可以用水洗面,雖然係咁,但都要好小心,洗面時,要緊合雙眼,唔俾水有機會入到雙眼,始終水會有細菌,所以安全至上,任何不適,都只可以滴人工淚水,唔好俾其他水入眼。

      頭一個月唔可以游水。

      直至依家已快三個月了,我都禁止擦眼,唔舒服,有眼毛入眼,都係滴人工淚水,之後就無事。

      手術之後頭兩天我都無化妝。

      之後第三日就開始有化淡妝,但就無化眼妝,特別係Mascara就千其唔好用,最接近眼的化妝,就最高危,如果受細菌感染就麻煩,個人認為頭一個月都係敏感期,最好唔化眼妝。

      運動,我在手術後頭一個月都停左,直至一個月覆診後才回復正常,其他都係唔俾機會傷到眼啫。

      雖然手術第二日已經可以如常活動,但係手術後整個康復期為期半年,所以做咁多功夫想雙眼好,重得高清眼後,要好好保護,才要會白費心機。

  • Bababie

    你好, 我聽日就做手術啦~~~
    係吳醫生!真係好緊張!

  • yu

    我今日又聽多一次講座, 哈哈! 又放心多D! 原來共有4部機, 會因應不同人的特質而決定用邊一部機。Babaie, 你都抽中吳醫生呀? 記得分享呀!!! 我都祝你手術成功!!!

  • Shiode

    你好, 想問一下養和會唔會寫醫生紙for Lasik呢? 因為唔知應該請幾多日假好…

    請問你手術後幾多日可以返工呀? 我做文職, 80%對電腦, 其餘時間對文件, 細字..

    Thanks!

    • 火星女孩

      養和醫生係會簽醫生紙證明你當天做手術, 但係醫生紙上係不會修飾, 直接寫係做Lasik, 什至手術後的覆診, 由於一定會係平日, 例如吳醫生係指定星期一上午或星期二下午, 所以可以要求寫全日或半日醫生紙, 但建議你最好先跟公司上司協議好, 因為一般公司都不接納Lasik是病假, 某些老闆覺得做Lasik不算是因病而做手術, 佢地可能會覺得這是私人理由, 情況就等同整容. 所以我自己都係用自己的假期來做Lasik, 沒有請病假.

      如果你問醫院的護士, 佢地會同你講其實手術後第二日已經可以返工, 不過我建議你最好係安排星期五做手術, 星期六上午回醫院覆診, 再利用星期六日好好休息, 星期一便可以如常返工, 除非你公司好寛鬆啦, 又或者自己係老闆, 如果唔係因為Lasik請病假, 一定會有說話聽.

      我的工作是100%對電腦.

  • Shiode

    Thanks very much!! 再想問多d…希望你不要介意, 因為很開心見到你的blog, 給很迷茫的我很多有用的資料.

    抽醫生的過程是怎樣0呢? 是由電腦抽, 還是根據首次檢查的當值醫生呢?

    • 火星女孩

      根據首次檢查的當植醫生分配,例如當日當值有三位醫生的話,第一個登記的會給安排醫生一,第二個登記的會給安排醫生二,第三個登記的會給安排醫生三,如此類推。

      首次檢查當日,給分配醫生後,做完所有檢查後,也是你第一次跟幫你做手術的醫生見面,醫生會決定是否合適做手術,同時醫生會一直根進你的情況,直至手術覆診,都會見到幫你做手術的醫生。

      如有其他問題,歡迎在此提出,我會以自己的經驗盡力解答 :)

  • Monica

    我是请sick leave 架,因为医生纸是suggest sick leave(公司approve)

  • shiode

    你好,又是我呀。今天已完成第一次的檢查,下星期可以進行手術了。想了解一下,在見醫生前還未留意到的問題。

    今天才在在很多約去年寫的的網站或個人blog看到,在進行手術時,切割角膜後,是要離開手術室一會,才再進入手術室,用另一部儀器進行激光打磨。但從你的文字中,又好像整個程序是一氣呵成的。對嗎?要讓沒有角膜覆蓋的眼睛到處走動,有點可怕呵…~~

    • 火星女孩

      我是一次過在同一間手術室做的,一訓上床就做晒兩隻眼。成個過程唔駛二十分鐘。我相信大部分人都應該同一間手術室一次過做晒兩隻眼,不過你都可以問醫生了解清楚。

      我今日做三個月後覆診啦。

  • Shiode

    這就好了, 到目前最擔心的一項又解決了. 看來你做完的結果很不錯, 那我便放心了.

    因為醫生在星期二做手術, 不能一次過放太長假, 預算星期四便回公司, 希望一切穩定啦!

    • 火星女孩

      剛剛見過醫生,係三個月後的覆診,醫生話個傷口已經完全埋晒,傷口埋得好好,視力好好,一切都好,再過多三個再覆診,也將會是最後一次見醫生,再之後只會每年返去見視光師了。

      • shiode

        昨天早上做完手術,過程雖然有點緊張,但因為看過很多不同的的分享,已經有了很多的心理準備,所以完全沒有恐懼的感覺,很放心的把雙眼交給先進的儀器及醫生。醫生也很好,手術過程令我範得很放鬆,只不過10分鐘,很有重生的感覺。

        今天才是第二天,但經常忘記自己不是帶CON,覆完診還周圍去Shopping,買多一副太陽眼鏡,哈哈。只有一樣擔心,怕不自覺會抓到眼睛,因為我有鼻敏感,眼及鼻的範圍成日都有點痕…

        The doctor is professional. The technology is amazing.

      • 火星女孩

        恭喜哂!我頭幾個星期都好唔習慣,係因為睇野好清,感覺戴住眼鏡,但其實又唔係,不停要同自己講自己唔係戴住眼鏡,還要提醒自己唔好擦眼睛。

        記住俾雙眼多點休息,有時間再來分享感受和經驗啦!

      • 火星女孩

        出發啦!終於可以享受唔駛擔心戴眼鏡坐長途機,又唔駛計住帶幾多對contact lens出門了。

  • yu

    我都做左, 今日岩岩2個星期. 第一個星期左眼-25, 右眼25; 但今個星期有變, 左眼0度50散光, 右眼25度25散光. 好驚…變化咁大, 唔知會唔會惡化!!! 右眼冇咁清…你地係咪都係咁? 一個月後再覆診. 而且, 日日返工對住電腦, 真係好攰!!!

    • 火星女孩

      我都係日日對電腦,所以頭兩個星期我利用滴藥水時間休息,努力地早點放工,唔能夠準時放工,都要六點放,放左工就限制自己上網時間,盡量一小時左右,早點睡覺,因為頭一個月都係關鍵期,為左雙眼,我覺得就算被炒油魚都在所不計,有乜野緊要過健康呢。

  • shiode

    手術後第三天已經上班, 不過儘量望電腦時間隔十分鐘便休一休, 減少注視時間。現在還好像闊太一樣天天出街洗頭, 防止水入眼。但尋日下午突然有點雨, 無帶遮, 雖然有眼鏡, 但都好似有雨粉入了眼…今日洗面開水喉大左, 摟毛巾時又有水花飛到眼睛…唉, 希望無事啦…

  • yu

    火星女孩, 我想問一問, 你第一天, 第一個月, 同第三個月分別既度數(包括散光) 係幾多??

    • 火星女孩

      剛從Denmark回來,這次終於享受到不用帶Contact Lens跟眼鏡的滋味,也不用擔心坐長途機。

      入番正題,未做手術之前,我的近視好深,而我的右眼的近視和散光比左眼深,手術後,左眼零近視零散光,右眼零近視有廿五度散光,一個月後的結果都是一樣,醫生話無問題。

      不過今次去Denmark,哪邊無香港咁多燈,天黑的時候感覺有點怪,不過都未至於好大問題。

  • yu

    嘩, 去Denmark, 太正啦!!! 感覺怪可能只是地方未識應 我就原本右眼比左眼好, 但而家我左眼比右眼好…咁你都keep 都幾好, 度數都冇變!!!

  • yu

    我都冇, 只係盡量避開有水入眼囉!

  • LAM

    hi你好
    我都係抽到吳彤醫生1月頭做手術喇
    想問下你驗眼個陣醫生有冇叫你加多300蚊做多個檢查呢?
    (者係原本$800 驗眼, 後來再加多$300)
    而家有d緊張呀,因為個陣dr.Wu話我視網膜薄
    但佢又冇講其他野,淨係話ok既做到既咁樣..

  • 小龍

    Hi,睇左你分享O既內容,有一個問題,雖然D護士話手術後第二日已經返得工,但畢竟對眼係自己,如果我想放4日Sick leave假抖抖,醫生肯唔肯開? 公司方面我會拆得掂.

  • ha511347

    你好。其實我昨晚已打了一篇頗長的迴響,不過今日睇翻又唔見左。
    我睇左好多篇你網上關於激光矯視的文章和每個人的回應,睇嚟不少人都嘗試左,且手術成功,真的值得恭喜!我見到你對他人的鼓勵和他人成功的例子也加深了信心去嘗試。
    我是一位澳門居民,剛才打左電話去養和預約驗眼,選擇左package,係2月1日驗眼,姑娘話如果驗到適合使手術,手術會係一個月內進行,佢話手術冇得提前預約,不過我擔心我的假期只放到2月13日,如果真的做手術超過13號,唔知請唔請到假,且我冇信用卡,付款應該只能一次過。
    有好多問題想請問,如果你有時間請回覆,感謝!

    • 火星女孩

      對呀!要等到驗眼當天才可以book手術日期,因為要先抽醫生,才可以安排手術,手術只會在工作天做,一般都會安排到你想要的日子,因為每個手術天都有好幾個sessions。

  • NiSu

    您好!火星女孩。我係一位澳門居民,近日忙碌地尋找有關激光矯視的資料。我啱啱睇完你幾篇關於激光矯視的歷程,很開心有你這麼真實而詳盡地記錄手術過程,令我釋放一些不安和疑惑,係你的文章中見到你一路順利成功完成手術,真的很值得恭喜!!
    我尋找了很多資料,但始終差一步實際行動,因為屋企人及親戚冇人做過激光,且家人抱持保留態度,令我更加猶疑。我一直考慮緊香港激光矯視中心或養和醫院,你係養和做左,想請問你對養和醫院整個做激光矯視的評價如何?你對醫院的技術、整體的服務態度和質素感覺又如何?能否詳細分享關於收費的問題(手術費和覆診費、藥水費等)
    而且我住在澳門,如果真的做手術,第二日又要覆診,手術當日應該要住宿香港,我諗選擇養和,可以留院住一晚,總好過住酒店吧~…好多問題要考慮。~
    如果你能在工作之餘抽空回覆,當感激不盡~謝謝!!

  • yws8520

    我都想搵吳彤做呀,
    請問你個時星期幾去做檢查?

    我諗緊book星期五定星期六做檢查,
    唔知邊日比較大機會抽中吳彤做呢? thanks.

  • Wendy

    hello, 我而家考慮緊下個月中做lasik, 本來諗住去香港激光中心做,因為網上好多人都係果度做,不過而家都係諗住去養和做安心d,唯一擔心random doctor 果個唔知好唔好,你之前講唔會係實習醫生,你點知道架?
    另外想知你差不多手術後一年了,是否已沒有眼乾,易累,晚上有玄光等問題呢? 同埋係幾時先無的? 我好擔心這些情況會長期呀….謝謝

    • 火星女孩

      我覺得養和的醫生都有水準,信心的保證,唔用指定醫生都無問題。

      手術後已經一年了,我的生活已經跟正常人一樣,完全忘記了自己曾經有八百多度近視沒有眼鏡就生活不到的從前。

  • 振威

    火星女孩好多謝你既資料牙,,上網都睇左好多個案,,
    睇到你個個案咁成功,,真係開心..
    後日就輪到我上形台呀…..
    死啦…..滴人工淚水.隻眼係咁斬..好似放電咁..
    到做手術個時都唔知會唔會斬到做唔到…..
    我係香港xxxx中心到做….希望順順利利完成….

  • BO

    請問你是無刀定有刀手術呀, 其實邊樣好d, 我500幾度近視, 100幾度散光…

  • Crystal

    請問你由首次見醫生到手術做等咗幾長時間?

  • WY

    您好!火星女孩。
    我都想搵吳彤做呀,
    請問你個時星期幾去做檢查?
    我想星期六檢查, 接著星期五做手術,
    thanks.

  • LAP

    請問你現在係夜晚有無睇到D光散開? THANKS.

  • Kiko

    我想問下你一開始係唔係就直接去養和醫院度登記左先?有冇要排期排好耐先做得手術?

    • 火星女孩

      Hi Kiko, you can simply call the hospital lasik department hotline, book for an information session. During the live session, the doctor will explain every details about the surgery and you can ask questions at the information session as well. Then you can book for a session to see the doctor and pre-surgery check-up, as long as everything meets the requirements, they will let you to book for a surgery. The doctor, who do the pre-surgery check-up for you, will be the same doctor will will do the surgery for you (if you are not going to pay an extra for your preferred doctor). There are many surgery sessions every day so it doesn’t take long to arrange for a surgery after the pre-surgery check-up. I picked a Saturday for the surgery and didn’t have to take leave at all. I can return to work on Monday.

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

關注

Get every new post delivered to your Inbox.

%d 位部落客按了讚: