Hang Fa Lau Dessert 杏花樓甜品
Cuisine: Hong Kong Style, Dessert, Cantonese
G/F, 32C Cochrane Sreet, Central
Comment: 12.30pm去到, 還有一半枱係未Fill up既, 朋友還未到, 我便先看Menu, 感覺冷氣風吹著頭好唔舒服, 正眼望望四圍搵風既來源之際, 店長發現了, 更安排我去坐另一張枱, 這時我還未有出聲要求調位的, 也沒有出過句聲投訴過，我只是自己抬著頭找尋冷氣風口的來源, 這麼細心和窩心的待客之道, 就是從人的角度出發, 還未品嚐食物, 服務質素已經加了不少分.
我跟朋友都一樣點左西檸雞翼, 分別是我的跟上海麵, 朋友的跟菜飯, 味道不錯, 我還點了凍豆漿, 加3蚊, 不過俾熱豆漿大杯一倍, 所以都值回票價, 結論係我會再去.
The Night Market
Cuisine: Taiwanese
6-7/F, 11 Stanley Street, Central
Comment:
「九月一日」：食物品味道本身是不錯的，只是對餐廳的待客Strategy很不滿，專程早點去，諗住唔駛等位，但未齊人就不能入座，這點絶對是可以理解及明白，但當時全店還有三張吉枱，而朋友已正搭電梯上緊餐廳都無情講，繼續罰企，全程我被罰企了十五分鐘，而這三張吉枱也空著十五分鐘，既然都是空著，點解唔可以彈性地處理，當我告知朋友正搭緊電梯上來，就先給我安排座位，就算要我先點菜也沒有所謂，總好過要客人罰企吧！
「九月六日」：上次的不快經歷後，打算再俾多次機會呢間餐廳，所以今日同朋友再去多一次，呢間餐廳分別佔兩層樓，兩層都分別有不能的裝修和佈置，而食既野係一樣既，唔同的裝修原意不是讓客人有新鮮感嗎？既然第一次去過七樓，今日就諗去試下六樓啦！點知搭Lift上到六樓，即被拒門外，當時會店仍是空的，但招待的店員就要我們原Lift再上多一層，原因是我們只有兩個人，六樓不招待兩位客人的，真係奇怪的理論，究竟呢間餐廳幾時才能明白現今的待客手法應該從客人的角度出發？去滿足客人這麼簡單的要求？個人常相信，食飯除左食物本身，同環璄，服務係一套的。老實說以午餐的價錢，呢度唔算平，一百蚊既午餐，可以有很多選擇，可以食到好好服務同好食的餐廳，可惜呢間餐廳只能用一百蚊的價錢去享受食物，不要期望能同時享受基本服務水平。
La Perouse Restaurant Bar & Lounge
Cuisine: French / International / Wine
5/F, Carfield Commercial Building, 77 Wyndham Street, Central
Comment: 食物味道好，坐得舒服，服務周到，值回票價，值得再去．
Hokkaido Dairy Farm Milk Restaurant 北海道牧場餐廳
Cuisine: Japanese Style Cafe
8/F, The Loop, 33 Wellington Street, Central
Comment: 單憑呢個部落格的名字，相信大家都估到我超鍾意食吐司。常聽到朋友投訴中環沒有食晏的選擇，來來去去都只係去某一兩間，當然沒有服務無誠意而又貴的餐廳o係中環區有一籮籮，好多時真係能可以給予我動力上OpenRice落個負級食評，不過其實中環是個寶藏，只是睇你有沒有要求，有沒有去留意。
今日朋友帶我上去這間新開的樓上舖：北海道牧場餐廳 (Hokkaido Dairy Farm Milk Restaurant)，價錢合理，好味，有水準，能夠吃一個滿足的午餐，真的能給我無限的正能量。第一次，點的是北海道套餐，叉燒通粉配北海道3.6牛乳泡奶茶，食物份量適中，凍飲都只係HKD37，去邊度搵？
TOASTIES MONSTER 吐司怪獸 